這是三幕劇第三幕的變奏版, 未觀看原版的版友,請先瀏覽 ” 閙情緒：  前言及互動劇場”。

第三幕角色轉換（如果你是B媽媽）

弟弟：媽咪呀！哥哥打我呀！

奇奇：無呀！媽咪呀！弟弟係要攞我個G4超能俠先真呀！

弟弟：我唔理（搶斷了超能俠的手）！

奇奇：啊！你…有無攪錯呀！（發脾氣用力把弟弟推倒地上）

弟弟：…（大哭）

媽媽：細佬無事嗎? 奇奇無事嗎? 快洗個面等媽咪睇下你兩個有無整親先…咩事呀?

奇奇：細佬搶爛咗我個超能俠呀！

弟弟：哥哥推跌我呀！

奇奇：超能俠斷咗隻手啦！

媽媽：係喎，咁靚嘅超能俠爛咗，媽媽都好難過！但係都吾可以推跌細佬架，因為

                細佬都會受傷架喎！

奇奇：超能俠爛咗啦！

媽媽：我幫你想辦法整番呀！好唔好！但你等陣要向細佬道歉喎！

奇奇：知道啦！

媽媽：但係細佬都有唔啱喎!唔可以搶野架!想玩要同哥哥借呀！

弟弟：哥哥玩緊，唔借咁點?

媽媽：係呀，超能俠係哥哥生日禮物，佢有權唔借架! 所以你要有禮貌囉！你要講唔該架！

弟弟：唔該哥哥借我玩呀！

媽媽：你重要向哥哥道歉呀！因為超能俠受咗傷呀！

弟弟：對唔住呀！

奇奇：算你啦！

*你在實際生活中，有沒有經歷過類似情況? 可以和大家分享一下嗎？

劇場：閙情緒  溫馨提示

1.          發脾氣是小朋友遇到妨礙其目標的事情與人物，産生不滿情緒所表現的攻擊行為。

2.          較年幼的兒童因為生活經驗及忍耐能力不足，不善處理情感變化及生理上（例如：肚痛、排泄不暢順等）的不適，很多時候都會引發用肢體動作發脾氣來宣洩。

3.          孩子生氣及有情緒原本沒有什麼大不了，只要不傷害自己及別人，其實對心理也起平衡健康作用。有些時候用一些無傷大雅的動作及物件來宣洩一下情緒也無妨（例如：跑步、吃朱古力或甜點、打枕頭、向天向海向樹林大叫、公園漫步等）。

4.          處理：

a)       情緒宣洩（例如：哭、笑、怒等）本是正常人的行為，無需禁止，所以家長面對孩子這些表現首要使他們平靜，得到安慰。

b)      認同他們的感受，但不是同意他們的行為。

c)       了解事件核心，家長的價值觀、態度堅決，但表現溫和！

d)      孩子知道對錯，必須道歉。

e)       孩子會常犯，所以教導要不斷進行。

如有需要，可下載本劇場的pdf檔案。

我們會繼續在“教仔互動劇場” 內加入其他題目，歡迎一起留言討論、交流教仔心得！