「那是甚麼呀？」幼兒有時會在眾人面前指著爸爸的性器官或媽媽的乳房好奇地發問，使家長感到非常尷尬及難堪。學前幼兒通常對身體及生殖器官有濃厚興趣，也很想知道自己誕生的過程，特別是對異性與自己不同的性器官感興趣，「我為甚麼不能學爸爸站著小便呀？」「媽媽的肚子為甚麼會鼓起來？」有時更會故意跟家長到浴室，甚至掀起媽媽的裙子去追查內心的疑問！

更使家長擔心的是，來自報紙、雜誌、影視等，「性」訊息排山倒海地衝破家居生活底線，使家長不知如何是好，不教導不成，教導又不知從那裡開始。加上中國人家庭一向視「性」為一種禁忌，深信小孩長大後就會自然獲得知訊，了解內容，所以採取逃避、閃縮，怎知是忿怒的回應。孩子會直覺以為是「壞」事，產生一種不必要的罪惡感。在本能的好奇心及犯罪的心理責備壓力下，對「性」更模糊，對心理健康影響更大。

其實，「性」是人格成長的一個重要部份，影響著我們與世界接觸及在社會扮演的角色，同時是年輕人建立自我觀念及肯定自我的重要部份。所以家長應摒棄羞恥、不敢啟齒的曖昧取態，要用正面、親切、坦白、開放的態度來與兒童及青少年分享。孩子才能獲得身、心、靈健康的成長，擁有正確性態度、性知識的生命。

如何面對幼兒對性的好奇呢？希望你可以代入以下的教仔劇場，然後與大家分享心得。

第一幕：妹妹吾見咗小菇菇

夏日沙灘上，三歲的哥哥聰仔鬧情緒要跟表哥一起到更衣室換游泳衣，因為表哥譏笑他不是男仔。

聰仔：表哥走得鬼咁快，吾等我呀！我吾制呀！

媽媽：吾緊要啦，你同妹妹一齊係呢度換咪得囉？

聰仔：我先吾會係度換衫呀，我大個啦，我要去同表哥一起去更衣室換。

媽媽：乖啦！呢度一樣啫！

聰仔：表哥笑我咁大個重玩公仔又吾去更衣室換衫，成個乸型呀！

媽媽：你吾企好換呢就咪換啦！我吾理你啦！我同妹妹換完呢，就去游水啦！

聰仔：係度換啦，死味！妹妹慘啦！

媽媽：乜呀？

聰仔：妹妹，個小菇菇吾見咗呀！你睇！？

媽媽：你…？！

第二幕：爸爸不愛我

夏日旁晚，爸爸收工回家，正在浴室沖洗，囡囡明慧拍門。

明慧：快開門呀，我要入嚟呀！

爸爸：爸爸沖緊涼呀！

明慧：我又沖呀！

爸爸：怕你啦！入嚟啦，乜事呀爸爸洗頭洗到成頭泡，

明慧：（指著爸爸的下體）呢個乜嚟架？

爸爸：無禮貌，乜呢好呀，多事幹，出翻去，咪亂講嘢呀！

明慧：爸爸有咗細佬後就吾錫我啦，又吾同我沖涼，正係同細佬沖，我吾要爸爸！

爸爸：你…

第三幕：我吾要妹妹呀！

聰仔：行快啲啦！你個肚做乜咁大呀？

媽媽：裡邊是妹妹呀，佢遲啲出咗世同你玩，乖乖吾好行咁快，媽媽陀往...妹妹呀，（聰仔想大力打媽媽個肚）吾準呀！

聰仔：我吾理！（想掀起走進媽媽的裙子裡去睇妹妹）我要同妹妹玩呀！

媽媽：咪咁啦！吾好摸呀！

聰仔：我要呀！

媽媽：重係咁，我打你架！

聰仔：我吾要妹妹，（大力打媽媽肚）我吾要你啦，妹妹你好走啦！（向著大肚）走呀！

媽媽：我（想打聰仔）…

明慧：爸爸我要嫁比社工Sam哥哥呀！

爸爸：嫁乜，你傻咗呀！果幾歲人仔嫁乜鬼呀？

明慧：Sam哥哥又會打波，打機又叻，全中心最勁就係佢呀！

爸爸：你再亂講啦！你醜吾醜呀，你再講就咪再去中心玩啦！

明慧：媽媽可以嫁比你，我又吾得，我要…我要…

爸爸：你…

*如果你爸爸/媽媽，你會讓怎樣面對以上處境呢? 為甚麼? 請你在討論特區內發表帖子, 與大家分享。

請click入討論特區中的四幕劇變奏版, 一起看看有甚麼轉變, 以及發帖一起討論。我們還提供了溫馨教仔提示給大家參考。