這是互動劇場變奏版, 未觀看原版的版友,請先瀏覽 ”追星: 前言及互動劇場”。
角色交換
小玲：林山下個月去韓國舉行簽名會，我同小蔓想一齊去支持佢…..
媽媽：小玲，你似乎真係好鍾意林山喎….. 你欣賞佢邊方面？
小玲：我鍾意佢靚仔….. 同埋唱歌好聽….. 仲有識做戲….. 媽咪，你又鍾意林山咩？
媽媽：我就幾欣賞佢好努力工作，報紙話佢出唱片前，去跟歌唱老師學唱歌同努力練歌，每日練好多個鐘頭。
小玲：係呀，我知佢呢排每日練8個鐘頭歌！
媽媽：仲要去好多簽名會之類的活動，又要拍劇，佢都好忙o架，要好努力同埋有毅力先可以應付到咁多工作。
小玲：係啊係啊，所以我想去簽名會支持佢！早兩晚去排隊，好嗎？
媽媽：其實你支持佢都好呀，不過就要用適當o既方式囉。例如你可以買佢o既唱片，甚至寫信去支持佢。但係去韓國咁遠，或者去露宿兩晚霸頭位，媽咪就會好擔心喎；林山都唔想佢啲fans出咩意外o架，係咪？
小玲：咁又係…… 但我好想去簽名會….
媽媽：你放假去簽名會都可以，你星期日先至去，都可以攞到簽名o架，到時媽咪陪你一齊去，好唔好？
小玲：o既然媽咪都咁潮，識得欣賞我個偶像，咁我就同你一齊星期日先至簽名會啦！
媽媽：好呀，你話林山o的歌邊首歌詞寫得最好呀？
小玲：佢自己填詞果首最好啊！
媽媽：你都要努力讀文學啦！
小玲：又好，我最怕就係文學，不過要學欣賞林山o既歌詞，所以要努力啦！（二人大笑）
你在實際生活中，有沒有經歷過類似情況? 可以和大家分享一下嗎？
溫 馨 提 示
青少年「追星」或者喜歡偶像，可能是因為面對學業等生活壓力，需要調劑、平衡，又或者尋找成人理想的寄託，但更多是因為受潮流文化或者朋輩所影響。家長不宜也不必完全抹殺這類行為，在合理情況下，能夠以之作為建立親子關係的方式，或者引導他們研究明星在幕後也有付出努力（例如學習唱歌或舞蹈），用平常心欣賞和支持，自然得到子女的回應！
請繼續瀏覽 “劇場教仔參考資料”，裏面列出了教仔參考書目，以及本劇場的pdf檔案。
我們會繼續在“教仔互動劇場” 內加入其他題目，歡迎一起留言討論、交流教仔心得！
